أجدد نكت اغبياء مضحكة 2024
• واحد غبي راح يخطب واحدة راح باباها قال له بس البنت لسه بتدرس، راح قال له: خلاص هجيلها في الفسحة.
• في مرة واحد غبي ابنه قال له: عايز موبايل، راح أبوه قال له موافق، بشرط تركب أخوك معاك.
• غبي راح ينام مجالوش نوم عشان عنده أرق، قاله صاحبه: عندي ليك طريقة هايلة للنوم، عد من 1 إلى 500، راح أول ما الدنيا ليلت نام على السرير وراح يعد 1.. 2.. 3.. ولما جه يوصل للمية وسبعة وسبعين كبس عليه النوم، راح قايم جري يغسل وشه ورجع للسرير يكمل عد.
• فيه واحد غبي لما يشوف البرق ابتسم يفتكر إن فيه حد بيصوره.
• نكت اغبياء ومحششين
• واحدة أتعرفت على محشش وسألها اسمك إيه؟ قالت له أسماء، راح قال لها: يعني انت مالكيش اسم معين؟
• سألوا محشش إيه أفضل طريقة ممكن تستخدمها علشان تصيد أرنب؟ رد وقال: تقليد صوت الجزرة.
• مرة غبي بيلعب كورة راح أخدها على صدره وطلعها من مناخيره.
• محشش حب يطور الطيارة الهليكوبتر راح فك المروحة وركب التكييف.
• مرة واحد غبي تعب من المشي راح جري.
• في مرة غبي أتنين تلاته دخلوا مطعم، راحوا أكلوا مقلوبة طلعوا تلاتة اتنين واحد.
• واحد غبي بيسأل حبيبته: انتي بجد بتحبيني قد إيه؟ راحت قالت له: زي ما انت بتحبني بالضبط، راح قال: لا حول ولا قوة إلا بالله، هو أنا قصرت معاك في حاجة؟
• مرة أتنين أغبياء راحوا مع بعض، جاء بعض وخلاهم وتركوهم لحالهم.
• خمسة أغبياء دخلوا كلية هندسة، 3 طلعوا مدينة نصر و2 مهندسين.
• مرة واحد مذيع طلع فاصل قام نزل مشحون.
• واحد لابس كرافتة بيسأل صاحبه هي معدولة؟ رد عليه وقال له: لا، مع محمد.
• مرة أتنين واحد أهبل والتاني أحول بيقلوا الطعمية، راح الأحول رماها بره لزيت والأهبل عمل تش.
• واحد غبي اتصل بمطعم وسأله: عندك عشاء؟ قال له: إيه؟ قال له: ليه معزمتنيش؟
• دكتور أطفال تزوج دكتورة أطفال وأعلنوا زواجهم في مجلة ميكي.
• مرة واحد عجوز سمع إن فيه حد بيخبط على الباب، سأل: مين؟ قال له: أنا حفيدك، رد عليه وقال: حتفيدني بأيه يعني؟
• واحد غبي قرر يكبر دماغه معرفش أزاي يقلع الجلابية.
• غبي جاب قميص مشجر علشان العصافير تشوفه وتقف عليه.
• مرة غبي بيجري ورا عربية علشان يعاكس النمرة.
• مرة واحد واقف قدام التلاجة بيفتح الباب بتاعها براحة ويقفلة تانى جه صاحبه و قاله ليه كدة قاله اموت واعرف مين بيطفى النور من جوة
• واحد غبى راح لواحد بياع تيليفزيونات بيسأله عندك تليفزيونات ملونة البياع قال له ايوه راح قايله ادينى واحد أخضر
• أغبيه راحوا يلعبوا بلياردو، واحد منهم وقف فوق الطرابيزة وقال لهم انا الجوووون
• غبي داخل سينما لقى مكتوب ممنوع الدخول لأقل من 18 راح جاب 17 واحد
• واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم اردم
• اتنين راكبين القطر المكيف … الأول بيقول : أنا بردان من التكييف …. التانى قال له : و انا عبدالله من المنصورة…..!
• واحد رجع من السفر لقى الشقه مليانه صراصير …. غير قفل الباب
• مره واحد غبى لقي المصباح السحري العفريت ساله شبيك لبيك عايز ايه قالو عايز كوبري يوصل بين فرنسا و السعوديه قاله العفريت لا ده طلب صعب اوي قاله خلاص عايز ابن عمي الي في الجامعه الامريكيه ينجح قال العفريت للسعودي عايز الكوبري رايح ولا جاي ولا في الاتجاهين
• مرة واحد كان هيتعدم فاول ما حطوا الحبل على رقبته قعد يزعق شالوا الحبل وسالوه مالك قالهم اخص عليكوا كنت هتخنق
• مرة واحد غبى لقى عشرة جنية على الارض خدها وحط خمستين
