أجمل نكت قصف الجبهات 2024
• واحدة بتقول لجوزها: امبارح صحابي كانوا عندي وكانوا معجبين اوي بأناقتي وجمالي، قالها: طب والحاجات المعفنة متكلمتوش عنها؟ قالتله: لا ابداً مجبناش سيرتك خالص.
• محشش بيقول لمراته: ايه رأيك نرجع زي زمان؟ ابتسمت من الخجل وقالتله: ازاي يا حياتي؟ قالها: يعني لا اعرفك ولا تعرفيني.
• سعودي بيقول لزوجته: الخلفاء العباسيين كانت اسمائهم حلوة، مثلاً: الواثق بالله، المعتصم بالله، المتوكل على الله، تفتكري لو انا كنت منهم كان هيبقى انسب اسم ليا ايه؟ ردت قالتله: كنت هتبقى واحد من اتنين، إما العياذ بالله أو الشكوى لله.
• حكمة من شاب يقول: مفيش حاجة اسمها رفاق سوء أو فلان بوظني، كل الحكاية انك حمار ولقيت اللي يسوقك.
• بيقولك الراجل بيحتاج 5 دقايق بس عشان يرجع يضحك تاني مع صحابه بعد ما خلوه مسخرة القعدة، أما المرأة تحتاج 10 سنين ضوئية عشان توقف دعاء على واحدة قالتلها حواجبك عريضة زي شنب ابوكي.
• مرة واحد مسطول شاف واحدة هندية على جبهتها نقطة حمرا، قالها: يا مدام يا مدام خلي بالك انتي بتسجلي فيديو.
• مرة واحد نذل متجوز واحدة قصيرة، كل ما يتخانق معاها يرفعلها مكياجها فوق التلاجة.
• قال لها: هل تحت المكياج جمال ساطع أن جمال ضفادع؟ قالت له: وهل تحت اللحية رجل رباني أم قرد باكستاني؟
• مرة طالب اسمه عبيد، المعلمة بتاعته بعتت لولي أمره رسالة يقوله فيها: “عبيد رائحته ليست جيدة في الصف، أرجو أن تقوموا بتحميمه”، ردت أم عبيد على المعلمة برسالة تانية: “عبيد إنسان وليس وردة، لا تشميه ولكن درسيه”، عاشت أم عبيد المعفنة.
• واحدة بتشتكي لجوزها بتقوله: يا دكتور جوزي بيتكلم كتير وهو نايم ايه الحل؟ قالها: بسيطة اديله فرصة يتكلم وهو صاحي.
• النجمة الشهيرة مارلين مونرو قالت لآينشتاين: ايه رأيك نتجوز ونخلف ولد فائق الجمال زيي، وفائق الذكاء زيك! عشان انا أجل امرأة وأنت أذكى راجل، قالها: انتي رأيك ان الصفقة دي ناجحة؟ قالتله: طبعاً، قالها: طب لو خلفنا ولد بقباحة وجهي وغباء عقلك!
• حرامي مسلح دخل بنك عشان يسطوا عليه ويسرقه، بعد ما سرقه وقبل ما يمشي سأل واحد من الزباين: انت شوفتني وانا بسرق البنك؟ رد الراجل: ايوة شوفتك، راح الحرامي ضربه بالنار، التفت لزبون تاني مع زوجته وسأله: انت شوفتني؟ رد الزوج: لأ مشوفتكش بس مراتي شافتك.
