شعر رائع لعيد الميلاد
شعر لعيد الميلاد
إليكم بعض الأبيات الشّعرية الجميلة، والّتي تتحدّث عن عيد ميلاد الأحباب والأصدقاء :
اليوم ميلادك يا الغلا واحترت شو أهديك
عبير ورود وشموع تضوّي لياليك
عيوني حبيبي ترخص لك وتفديك
خذها عيوني فداك والقلب مغليك
عمري كله فداك إن كان يرضيك
وكل ما فيني من شجون لأجل عينيك
أدري كنوز هالدّنيا كلها ما تغويك
عسى عمرك طويل الله يخليك
لعيون حبيب دوم مغليك
بحتفل يا الغالي معاك
واشعل لك شموع المحبة من غلاك
وأقول لك
كل عام وانت يا الغالي بخير
يا عسى تبقى لي عساك
أهنّي اليوم بك انت
عشانك من مواليده
وأغنيلك في ميلادك
عساها لك سنة سعيدة
ضوّيت الشمع بيديني
حبست بوقتها أنفاسي
تمنّيتك تجي عندي
تعيش الفرحه بإحساسي
نقشت اسمك على روحي
نظمته عقد بأحلامي
هدية لك أقدّمها
في ليلة فرحة أيامي
حبيبي ودنيتي وعمري
أعيش أحلامي بعمرك
عسى ربّي يعيد اليوم
مية مرّة وأنا بقربك
—
كل سنه و انت يا غـالي أجمل أيام العمر
كل سنة وحبّك في قلبي يا بعد عمـري يزيد
كل سنة و انت رفيقي وصاحبي وأغلى البشر
ليش تسألني وتدري إنه الجـواب عندي أكيد
يعني معقـولة أنا أنسى يوم ميلاد القمر
حافظ التـاريخ والله مهما كنت عنّك بعيد
مستحيل أنساه لـو ينسى النّحل ريح الزّهر
إيش أقـدم لك هديّة ما يوفيك القصيد
انت أغلى من هدايا الكـون يا أحلى قدر
ودّي لو أهديك روحـي ولّا قلبي والوريد
كل مـا تطلب حلالك لو طلبت حتى النّظر
الهديه ماهي إلّا رمز والرّمز مـا يفيد
لا تظن إنّي بوافـق أشتري غرشت عطر
يا عطر عمري وحياتي يا قديمي والجـديد
هاك خذ عمري هديّة والله يفـداك العمر
المهم تكـون راضي وغير هذا ما أريد
ما أريد إلّا أشـوفك نجمة في عز الظّهر
وما أبي غيري يشـوفك خلني في قلبك وحيد
لا تظن في حـد غيري يحبك انت هالكثر
بحتفل فيك وبغنّي وبكتب أشعـار وقصيد
الله يالأيام تمشي كنها فـي لحضه تمر
انطفت عشرين شمعة يالله عقبـال المزيد
ما أصدق هذا انته طفل ٍ بسـرعة كبر
الله يخليك لأهلك يا عسى عمـرك مديد
وتبقى لي يارب يارب قـدوة وإعجاب وذخر
وأحيا قربك طول عمري وأبقى في ظلك سعيد
وتبقى انت في حيـاتي أجمل أيام العمر
كل سنة وانت بخير وعيـد ميلادك سعيد
كل سنة وانت رفيقي وصاحبي وأغلى البشر
ـ ـ ـ
كل عام وانت يا عمري بخير
كل عام وانت طيّب يا غلاي
كل عام بحتفل بك انت غير
يا عسى عمرك مديد يا مناي
يا أغلى من يمشي على الدّنيا ويسير
يا نظر عيني ويا بسمة شفاي
شمعة أعيادك عسى دايم تنير
مثل ما نوّرت بوجودك سماي
إيه أحبّك حب يا عمري كثير
صعب أوصف لك شعوري يا هواي
كل عام وانت ياعمري بخير
كل عام وانت يا قلبي معاي
ـ
في أحلى يوم بالشّهر
حبيت أسبق البشر
وأهني اللي أحلى من القمر
وأغلى من النّظر
وأبارك لها بيوم ميلاد العمر
وأطلب من ربّي يحفظها طول الدّهر
وأقولها كل عام وانت بخير وعقبال بليون عمر.
ـ
غنـوا لحبـيـبي وقـدّمـوا له التّهانـي
في عيـد ميـلاده عـساهـا 100 عـام
افرح حبيبـي واطـلب أغـلـى الأمـاني
الّـليـلـة يـا عـمـري تـنـاديـك الأحـلام
ـ
صاحبي عيد ميلادك يـا عيـد قلبي .. صاحبي عيد ميلادك
“العمـركله” لـك .. فرحة وشرحة
عساني حي .. وأحضر كـل أعيادك
وأهديك وردات الـغلا فوق صرحة
ازداد عمـرك .. صح!.. لكنّه ازدادك
في خافقي لك بالـغلا ألف صفحـة
ـ
اليوم ميلادك وأنا فيه موعود
يا أغلا دروبي يا غلاي وودادي
الكون ونجومه على حبّك شهود
كل المجرّة تعرف ان مرادي
اليوم ميلادك وأنا اليوم مولود
مدام حبك حب والنبض هادي
ـ
ودعت بك عام مضى
وأقبلت بك عام جديد
ياللي حياتي لك رضى
يالله عسى عامك سعيد
ـ
تمنيت أكون أنا ويّاك
عالبحر نضوّي الشموع
وننتظر الوقت يمر لجل
أحتفل بميلادك يا قمر
وأباركلك بلي مضى
واللي جايلك من عمر
وأهمسلك كل عام وانت بخير
يا أحلى البشر
تصدّق عاد احترت بالهديّة
الورد ولاّ العطر
لا انت قدرك أكبر من هالقدر
ولأجل هذا بهديلك كلمة
تذكّرني بها طول العمر
أحبك يا أغلى البشر
ـ
تمنّيت أكون أوّل من يهنّيك
وأكون فهاليوم منك قريب
بس شاءت الأقدار وكل واحد منا فطريق
مدري من السبب أنا ولاّ إنت
بس اللي أعرفه
كل واحد منّا عن الثاني بعيد
حبيبي أنا ما نسيت وبهاليوم الشمع ضوّيت
ولما جا الوقت طيفك هنّيت
كل عام وانت بخير
ترى والله لك حنّيت
الله يحفظك يا أغلى من حبّيت
